ЖЕНДЕРТ СУУРИЛСАН ХҮЧИРХИЙЛЭЛТЭЙ ТЭМЦЭХ АЯНД НЭГДЛЭЭ
Дэлхийн 180 гаруй улс жил бүрийн 11 дүгээр сарын 25-наас 12 дугаар сарын 10-ны өдрүүдэд "Жендерт суурилсан хүчирхийлэлтэй тэмцэх 16 хоногийн аян"-г нэгдмэл зорилго, нэг уриан дор тэмдэглэн өнгөрүүлдэг. Энэ жил уг арга хэмжээ "Ойлгоё Хүндэлье-Гэр бүлийнхээ төлөө" уриан дор зохион байгуулагдаж байна. Тус аяны хүрээнд Жендерийн үндэсний хорооноос зохион байгуулсан "Жендерт суурилсан хүчирхийлэлтэй тэмцье" сэдэвт сургалтад Автотээврийн үндэсний төвийн ажилтан албан хаагчид идэвхитэй оролцож, энэхүү аянд нэгдлээ.
ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН СУРГАЛТАД НИЙТ АЖИЛТАН АЛБАН ХААГЧИД ХАМРАГДЛАА
Автотээврийн үндэсний төв ТӨҮГ-ын төв, хэлтэс, алба болон Улаанбаатар хотын төвүүдийн нийт ажилтан албан хаагчид хөдөлмөрийн аюулгүй байдал, эрүүл ахуйн сургалтад хамрагдаж, аюулгүй ажиллах арга барил, ХАБЭА-н тухай хууль тогтоомжийн талаарх мэдлэг мэдээлэл авч, осол эндэгдэлгүй, эрүүл ажиллах соёл, зан үйлд суралцлаа.
ЗАВХАНД ЗОРЧИГЧДЫН АЯ ТУХЫГ ХАНГАСАН АВТОТЭЭВРИЙН ТӨВ АШИГЛАЛТАД ОРЛОО
Энэхүү төв нь жилд дунджаар 35.4 мянган зорчигчид үйлчлэх автовокзал, 9.7 мянган тээврийн хэрэгсэлд үзлэг хийх боломжтой аж. Авто буудал, оношилгооны төвийн барилгын ажлыг “Хөх хайрхан трейд” компани гүйцэтгэж Автотээврийн Үндэсний төвийн 1.4 тэрбум төгрөгийн санхүүжилтээр барьж ашиглалтад оруулжээ. Тус барилга нь 337.3м2 талбайтай, гадна талбай 1000 м2, гадна зам талбайн тохижилт, гадна гэрэлтүүлэг, авто зогсоол, ногоон байгууламж, гадна хашаа, автобусны зогсоолын саравч зэрэг иж бүрэн тохижуулжээ.
ЕРӨНХИЙ САЙДЫН ИВЭЭЛ ДОР ЗАЛУУ ИНЖЕНЕРҮҮД ЧУУЛЛАА
Монгол Улсын Засгийн газрын бүтээн байгуулалтын ажлыг залууст танилцуулах, дижитал шилжилтийн эрин үетэй хөл нийлүүлэн алхах боломж бололцоог эрэлхийлсэн залуусын бүтээлч санаа санаачилгыг сонсох зорилгоор Ерөнхий сайдын ивээл дор “Залуу инженерүүдийн үндэсний чуулган”-ыг зохион байгууллаа. Чуулганы нээлтэд Ерөнхий сайд У.Хүрэлсүх, Зам, тээврийн хөгжлийн сайд Б.Энх-Амгалан, Боловсрол, соёл, шинжлэх ухаан, спортын сайд Ё.Баатарбилэг, УИХ-ын гишүүн, НАМЗХ-ны Ерөнхийлөгч Н.Учрал, УИХ-ын гишүүн Б.Ундармаа нар оролцов.
“ДУРААРАА БИШ, ДҮРМЭЭРЭЭ” АЯНД НЭГДЛЭЭ
-Он гарсаар зүүн болон урд чиглэлд 1 сая орчим иргэд зорчжээ- Зам, тээврийн гэрээт цагдаагийн хэлтэс, Баянзүрх зорчигч тээврийн төв хамтран зам тээврийн ослоос урьдчилан сэргийлэх, хөдөлгөөнд оролцогчдын сахилга бат хариуцлагыг дээшлүүлэх, зөв хандлага соёлыг төлөвшүүлэх зорилгын хүрээнд “Дураараа биш дүрмээрээ” аянд нэгдлээ.