НҮҮРС ТЭЭВЭРЛЭДЭГ 13 МЯНГАН ЖОЛООЧИД ЭРҮҮЛ МЭНДИЙН ҮЗЛЭГ ХИЙЖ БАЙНА
Өмнөговь аймгийн Хайрхан багийн Цагаан хаданд 13 мянган жолооч нүүрс тээвэрлэдэг. Эдгээр жолооч нар, суурин амьдардаг 2 мянган иргэн, энд ажилладаг цагдаа, мэргэжлийн хяналт гээд төрийн албан хаагчиддаа урьдчилан сэргийлэх болон эмнэлгийн тусламж үйлчилгээ үзүүлэхээр Эрүүл мэндийн яамнаас мэргэжлийн баг зохион байгуулан газар дээр нь ажиллаж байна.
ЭДИЙН ЗАСГИЙН КОРИДОР БАЙГУУЛАХ ХӨТӨЛБӨРИЙН ДЭД БҮТЦИЙН ТӨСӨЛ ХӨТӨЛБӨРҮҮД АМЖИЛТТАЙ ХЭРЭГЖИЖ БАЙНА
Эдийн засгийн коридор байгуулах хөтөлбөрийн хүрээнд гурван улсын хамтарсан ажлын хэсгийн шинжээчдийн түвшний 4-р хурал энэ оны 12 дугаар сарын 10-ны өдөр Улаанбаатар хотноо болж өнгөрлөө. Уг хуралдааны талаар Зам, тээврийн хөгжлийн яамны Бодлого төлөвлөлтийн газрын дарга Ж.Сэрээтэртэй ярилцлаа.
СТАНДАРТЫН ДАГУУ БАРИГДСАН АВТО БУУДЛУУД ОРОН НУТАГТ СҮНДЭРЛЭЛЭЭ
“Авто тээврийн үндэсний төв”-өөс Дорноговь аймгийн төв Сайншанд суманд “Авто буудал” барьж ашиглалтад оруулжээ. Уг Авто буудлын барилгыг улсын төсвийн 809,8 сая төгрөгийн хөрөнгө оруулалтаар “Хөх хайрхан трейд” ХХК гүйцэтгэж ашиглалтад оруулсан байна. Авто буудлын нээлтийн ёслолд УИХ-ын гишүүн Б.Дэлгэрсайхан, “Авто тээврийн үндэсний төв”-ийн захирал П.Дэлгэрнаран болон аймаг, сумын удирдлагууд, Дорноговь аймгийн хэмжээнд нийтийн тээврийн чиглэлээр үйл ажиллагаа явуулдаг компаниуд болон иргэд оролцжээ. Авто буудал ашиглалтад орсноор улс, хот хоорондын зорчигч тээврийн үйлчилгээг иргэдэд чанартай хүргэх, ая тухтай орчин нөхцөл бүрдэж байгаа юм.
ЗҮҮН БҮСЭД МОНГОЛ УЛСДАА ЖИШИГ БОЛОХУЙЦ "АВТО БУУДАЛ" АШИГЛАЛТАД ОРЛОО
Хэнтий аймагт MNS 6300:2011 стандартын дагуу гуравдугаар зэрэглэлийн үйл ажиллагаа явуулах “Авто буудал” ашиглалтад орлоо. Нийтдээ 2.6 тэрбум төгрөгийн өртөгтэй, 2 давхар 1,200 м.кв талбайтай томоохон байгууламжюм. Зүүн бүсийн гэх тодотголтой энэхүү Авто тээврийн төвийг орон нутгийн “Баялаг Онон” ХХК барьжээ.
ТЭЭВРИЙН ХЭРЭГСЛҮҮДИЙН ӨВӨЛЖИЛТИЙН БЭЛЭН БАЙДЛЫГ ШАЛГАВ
Автотээврийн үндэсний төвөөс улс, хот хоорондын зорчигч тээвэр эрхлэгчдийн өвөлжилтийн бэлэн байдлыг шалгах ажлын хэсэг байгуулагдаж, Сонгинохайрхан болон Баянзүрх зорчигч тээврийн төвүүдэд ажиллалаа. Улс, хот хоорондын нийтийн тээврийн үйлчилгээнд нийт 61 аж ахуй нэгж байгууллага үйл ажиллагаа явуулж байгаа бөгөөд тэдгээр аж ахуй нэгжүүдийн тээврийн хэрэгслүүдийн бүрэн бүтэн байдал болон онцгой нөхцөл байдал үүссэн тохиолдолд зайлшгүй байх шаардлагатай тоноглол, хэрэгсэл байгаа эсэхийг шалгаж, мэргэжил арга зүйн зөвлөгөө өглөө.